Qusar, 6 noyabr, Elxan Yusifli, AZƏRTAC
Qusar Dövlət Ləzgi Dram Teatrı tamaşaçılara Vətən müharibəsində qazanılan şanlı Qələbəyə həsr olunan tamaşa təqdim edib.
AZƏRTAC-ın bölgə müxbiri xəbər verir ki, Xalq şairi Nəriman Həsənzadənin “Qarabağ Azərbaycandır! “Qarabağnamə”m İlhamdır!” pyesi əsasında hazırlanan eyniadlı səhnə əsəri Qusar Mədəniyyət Sarayında nümayiş olunub.
Əməkdar mədəniyyət işçisi Faiq Qardaşovun quruluş verdiyi tamaşa üçün xüsusi dekorasiya hazırlanıb. Səhnə əsərində teatr kollektivinin 35 nəfərlik heyəti rol alıb.
