İran hələ də ABŞ ilə potensial müqavilə layihəsini nəzərdən keçirir.Metbuat.az xəbər verir ki, İranın “Mehr” xəbər agentliyi belə məlumat yayıb. Bildirilir ki, Tehrandan ABŞ-yə hələlik heç bir cavab göndərilməyib. “Mehr” xəbər agentliyinin ABŞ ilə danışıqlar prosesi ilə tanış olan bir mənbəyə istinadən xəbər verir ki, İran potensial müqavilə layihəsi ilə bağlı yekun qərar verməyib. Xəbərdə qeyd olunur ki, ABŞ-nin əvvəlki danışıqlarda verdiyi vədləri yerinə yetirməməsi İranı daha ehtiyatlı davranmağa vadar edib və İran keçmiş təcrübələrinə əsaslanaraq istənilən potensial müqavilədən real fayda əldə etməyə diqqət yetirir.
