Pasportu oğurlandı, məşqlərdən kənarda qaldı

Səud Əbdülhəmid ciddi problemlə üzləşib.

"Football-plus.az" xəbər verir ki, Səudiyyə Ərəbistanı yığmasının oyunçusu pasportunu itirdiyinə görə dünya çempionatından əvvəl məşqlərə qatıla bilməyib.

Yerli federasiyanın mətbuat xidmətinin məlumatına görə, futbolçu bazar ertəsi planlaşdırıldığı kimi Ər-Riyada uça bilməyib. Onun avtomobili Amsterdamda ailəsi ilə birlikdə toy mərasimində iştirak etdiyi zaman oğurlanıb. Hadisə zamanı futbolçunun pasportu da daxil olmaqla şəxsi əşyaları itib.

Səudiyyə Ərəbistanı Futbol Federasiyası istintaqa nəzarət etmək üçün İdman Nazirliyi ilə əlaqələndirmə aparır və həmçinin oyunçunun komandaya qoşulmasına icazə verilməsi üçün ölkənin Niderlanddakı səfirliyi ilə işləyir.