Belçikanın Flamand regionunda yerləşən Byuqqenhaut şəhərində məktəbliləri daşıyan mikroavtobusun qatarla toqquşması nəticəsində 4 nəfər ölüb.
APA-nın xəbərinə görə, Baş nazirin müavini Maksim Prevot “X”-də yazıb ki, qəza zamanı ikisi uşaq olmaqla, 4 nəfər ölüb.
***
13:59
Belçikada qatar məktəb avtobusuna çırpılıb, ölənlər var.
VRT News-un xəbərinə görə, Belçikanın Flamand regionunda yerləşən Byuqqenhaut şəhərində məktəbliləri daşıyan mikroavtobus qatarla toqquşub.
Qəza nəticəsində bir neçə nəfərin öldüyü bildirilir, ölənlərin dəqiq sayı məlum deyil.
Polis mikroavtobusda 9 nəfərin olduğunu təsdiqləyib.
“Infrabel” dəmir yolu şirkətinin nümayəndəsinin sözlərinə görə, qəza zamanı keçid bağlanıb.
