Xocalı rayonu Təzəbinə kəndinin sakini Anar Buludxanov 10 yaşında tərk etmək məcburiyyətində qaldığı doğma yurda indi 10 övladı ilə birlikdə qayıtdığını deyib.
O, açıqlamasında uzun illərdən sonra doğulub-böyüdüyü kəndə dönməyin sevincini yaşadığını bildirib.
A.Buludxanov Təzəbinə kəndində ən çoxsaylı ailənin başçısı olduğunu vurğulayıb:
"44 yaşımda doğma ocağımıza qayıtdım. Ailəm 12 nəfərdən ibarətdir, kənddə ən çoxsaylı ailəyik. 6-sı oğlan, 4-ü qız olmaqla 10 övladım var. Böyük övladım 19, kiçik övladım isə 1 yaşındadır. Sevinirəm ki, övladlarıma Qarabağımızı, kəndimizi sevdirə bilmişəm. Bundan sonra kəndimizin abadlığı, çiçəklənməsi üçün çalışacağıq"./Report
