Bakı, 13 may, AZƏRTAC
Futbol üzrə Azərbaycan Kubokunda “Sabah” və “Zirə” komandaları arasında keçirilən final oyununda hesab açılıb.
AZƏRTAC xəbər verir ki, “Palms Sports Arena”da gerçəkləşən həlledici görüşün 4-cü dəqiqəsində "Zirə"nin heyətində Eren Aydın fərqlənib - 1:0.
Matçı FIFA referisi Elçin Məsiyev idarə edir.
20.01
Futbol üzrə Azərbaycan Kubokunda “Sabah” və “Zirə” komandaları arasında keçirilən final oyunu start götürüb.
AZƏRTAC xəbər verir ki, saat 20:00-da “Palms Sports Arena”da gerçəkləşən həlledici görüşü FIFA referisi Elçin Məsiyev idarə edir.
Azərbaycan çempionluğunu vaxtından əvvəl təmin edən “Sabah” ölkə kubokunu da qazanmaqla mövsümü 2 titulla başa vurmaq istəyir. “Zirə” isə kuboka sahib çıxmaqla həm də Avropa Liqasına vəsiqə əldə etmək niyyətindədir.
Qeyd edək ki, ölkə kubokunun son qalibi “Sabah” komandasıdır.
Müxbir - Aynur Əlixanlı
