Fransa Prezidenti hesab edir ki, Vaşinqtonun mövqeyi Avropanın öz təhlükəsizlik sistemini gücləndirməsini zəruri edir...
Poliqon xəbər verir ki, Fransa Prezidenti Emmanuel Makron ABŞ-nin uzunmüddətli perspektivdə Avropanın təhlükəsizliyini təmin etməyə davam etməyəcəyini bildirib.
Makronun sözlərinə görə, bu tendensiya Qrenlandiya, İran və Ukrayna ətrafında yaranmış vəziyyətlərdə aydın şəkildə müşahidə olunur. Fransa lideri hesab edir ki, son hadisələr Avropanın təhlükəsizlik məsələlərində daha müstəqil mövqe tutmasının vacibliyini göstərir.
Prezident bildirib ki, Avropa ölkələri müdafiə və təhlükəsizlik sahəsində yalnız ABŞ-yə arxalanmamalı, öz strateji imkanlarını gücləndirməlidir. Onun fikrincə, qitənin gələcək təhlükəsizliyi daha çox Avropanın öz siyasi iradəsindən, hərbi potensialından və vahid mövqeyindən asılı olacaq.
Makronun açıqlaması Avropada strateji muxtariyyət və kollektiv müdafiə imkanlarının artırılması ilə bağlı müzakirələri yenidən gündəmə gətirib.
Poliqon.info
