Cebheinfo portalından verilən məlumata görə, ain.az xəbər yayır.
2025-ci ildə Azərbaycanda 4 milyon 426,4 min ton və yaxud 2024-cü illə müqayisədə 1,4 % çox tullantı əmələ gəlib.
"Report" Dövlət Statistika Komitəsinə istinadən xəbər verir ki, bunun 73,5 %-ni bərk məişət tullantıları, 26,5 %-ni isə müəssisələrin istehsal fəaliyyəti nəticəsində yaranmış müxtəlif növ tullantılar təşkil edib.
Ötən il yaranmış tullantıların 3 milyon 251,2 min tonu və yaxud 82,1 %-i zərərsizləşdirilməsi məqsədilə poliqonlara daşınıb, 17,4 %-i enerji əldə edilməsi məqsədilə istifadə olunub, 0,5 %-i ölkə daxilində satılıb. Məişət tullantılarının yandırılması nəticəsində 222,1 milyon kVt·st elektrik enerjisi istehsal edilib.
Sənayedə və iqtisadiyyatın digər sahələrində əvvəlki illərdə yaranan qalıqlar daxil olmaqla, istehsalat tullantılarının 16,8 %-i müəssisələrdə xammal kimi istifadə edilib, 23,4 %-i satılıb, 9,9 %-i zərərsizləşdirilməsi məqsədilə poliqonlara daşınıb, 49,9 %-i isə müəssisələrdə qalıb.
Müəssisələrin istehsal fəaliyyəti nəticəsində 272,2 min ton təhlükəli tullantı yaranıb və onların payı 6,1 % təşkil edib. Yaranmış təhlükəli tullantıların 71,9 %-i mədənçıxarma sənayesi, 18,9 %-i emal sənayesi, 9,2 %-i isə digər sahələrin payına düşüb.
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
