ABL: “Şəki”dən uğursuz, “Sabah”dan uğurlu start – ARENA.AZ

Bu gün Azərbaycan Basketbol Liqasında (ABL) 2025/2026 mövsümünün pley-off mərhələsinin növbəti oyunları keçirilib.

Arena.az xəbər verir ki, ikinci oyun günündə daha iki qarşılaşma baş tutub.

Hər iki oyun Bakı İdman Sarayında təşkil edilib. Öncə, “Abşeron Lions” “Şəki” ilə görüşüb. Abşeron təmsilçisi bu görüşdə 109:77 hesabı ilə qalib gəlib. Daha sonra son çempion “Sabah” “Naxçıvan”la üz-üzə gəlib. Matçın yekununda sevinən tərəf “bayquşlar” olublar – 106:74.

Xatırladaq ki, ilk oyun günündə NTD “Neftçi”yə, “Ordu” isə “Gəncə”yə qalib gəlmişdi.

ABL-in cari mövsümünün reqlamentinə əsasən, komandalar bu mərhələdə 2 qələbəyə qədər mübarizə aparacaqlar.

Yüksək Liqa
Pley-offun ilk oyunları
13 aprel

Neftçi – NTD 94:97
Ordu – Gəncə 108:106

14 aprel

Abşeron Lions – Şəki 109:77
Sabah – Naxçıvan 106:74