ABL: NTD və “Ordu”dan pley-offa uğurlu start

Bu gün Azərbaycan Basketbol Liqasında (ABL) 2025/2026-cı illər mövsümünün pley-off mərhələsinə start verilib.

Arena.az xəbər verir ki, ilk oyun günündə iki qarşılaşma baş tutub.

Hər iki oyun Bakı İdman Sarayında təşkil edilib. Öncə, “Neftçi” NTD ilə görüşüb. “Ağ-qaralar” bu görüşdə 94:97 hesabı ilə məğlub olublar. Daha sonra “Ordu” “Gəncə” ilə üz-üzə gəlib. Overtayma qədər davam etmiş matçın yekununda sevinən tərəf “Ordu” olub – 108:106.

Sabah daha iki oyun keçiriləcək. Son çempion “Sabah” “Naxçıvan”ı, “Absheron Lions” “Şəki”ni sınağa çəkəcək. Hər iki görüş Bakı İdman Sarayında baş tutacaq.

Xatırladaq ki, ABL-in cari mövsümünün reqlamentinə əsasən, komandalar bu mərhələdə 2 qələbəyə qədər mübarizə aparacaqlar

Yüksək Liqa
Pley-offun ilk oyunları
13 aprel

Neftçi – NTD 94:97
Ordu – Gəncə 108:106