ain.az, Footbal-plus portalına istinadən məlumat yayır.
Bu mövsüm qış transfer dönəmində 15 milyon avro qarşılığında ''Fənərbaxça''dan ''Əl-İttihad''a yollanan Yussef Ən-Nəsiri ilə bağlı yeni xəbər var. "Football-plus.az" xəbər verir ki, Səudiyyə Ərəbistanı nəhəngi bu futbolçunu Kərim Benzemanın boşluğunu doldurmaq üçün heyətinə qatmış və onunla 2028-ci ilə qədər müqavilə imzalamışdı. Ancaq bu işbirliyi artıq bu yay başa çata bilər. Bu məlumatı Səudiyyə Ərəbistanının ''Okaz'' nəşri paylaşıb. Orda qeyd olunub ki, mərakeşli forvardın performansı klub rəhbərliyini qane etmir. ''Əl-İttihad'' Ən-Nəsiri ilə ciddi hədəflərə çatmağın mümkün olmayacağını düşünür. Klubun cəmi 2-3 aya bu futbolçu ilə bağlı bu cür qərar verməsi maraq doğurur. Nəşrin yazdığına inansaq, ''Əl-İttihad'' yayda Ən-Nəsiri ilə vidalaşmaq və onun yerinə daha istedadlı bir mərkəz hücumçusu almaq niyyətindədi. 28 yaşlı futbolçu indiyə qədər yeni klubunda 10 rəsmi oyunda aktivinə yalnız 4 qol, 1 məhsuldar ötürmə yaza bilib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
