Küveytin Əl-Əhmədi neft limanında yerləşən neft emalı zavodunda pilotsuz uçuş aparatlarının (PUA) zərbələrindən sonra yanğın baş verib.
Musavat.com xəbər verir ki, bu barədə məlumatı "Kuna" agentliyi yayıb.
Küveyt Neft Korporasiyasından verilən məlumata görə, hadisə nəticəsində xəsarət alan olmayıb.
Yanğının söndürülməsinə dərhal yanğınsöndürmə briqadaları cəlb edilib və alovun qarşısının alınması istiqamətində operativ tədbirlər görülüb.
Neft emalı zavodundakı bəzi istehsal müəssisələrinin müvəqqəti olaraq dayandırıldığı da bildirilib.
Musavat.com
