“İranla müharibə indiyə qədər görülməmiş ən yaxşı şəkildə aparılır. Bunu digər ölkələr də deyir. Böyük ölkələr, güclü ölkələr əvvəllər heç vaxt belə bir şey görmədiklərini söyləyiblər. Onlar mənim etdiyimlə razıdırlar. Deyirlər ki, İran pis, şər ölkədir".
Ölkə.az xəbər verir ki, bunu ABŞ Prezidenti Donald Tramp deyib.
Müharibənin nə zaman bitəcəyinə gəldikdə isə Tramp deyib ki, biz müharibənin yenidən böyüməsinə imkan vermək istəmirik: “İdeal olaraq, orada nə etdiyini bilən birini görmək istərdik. Başqa sözlə, ölkə qura bilən birini. Başqa bir şey də var. Tehranın bəzi yerlərinə və digər yerlərə zərbə endirə bilərik. Bunu etsək, onların ölkələrini yenidən qurmasını demək olar ki, mümkünsüz edir. Amma biz bunu etmək istəmirik. Amma onların elektrik infrastrukturuna zərbə endirə bilərik. İranın elektrik gücünü bir saata məhv edə bilərik və onu yenidən qurmaq üçün 25 il lazım olacaq. Ona görə də, bunu etməyəcəyik".
Tramp onu da əlavə edib ki, onlar artıq demək olar yolun sonundadırlar: “Amma bu, biz bunu dərhal bitirəcəyik demək deyil. Onların nə donanması, nə hava qüvvələri, nə zenit silahları, nə də idarəetmə sistemləri var. Biz İran üzərində tamamilə sərbəst uçuruq. Biz onların bütün gəmilərini məhv etdik. Onların bir neçə raketi var, amma çox deyil. Əsas odur ki, biz bunu qazanaq".
Mürtəza
