Demokrat.az saytına istinadən ain.az xəbər verir.
ABŞ Prezidenti Donald Tramp İranla bağlı növbəti sərt açıqlama verib. O bildirib ki, ABŞ istəsə, İranın elektrik infrastrukturunu cəmi bir saat ərzində məhv edə bilər və bunun bərpası təxminən 25 il çəkə bilər.Demokrat.az-ın məlumatına görə ABŞ–İsrail və İran arasında davam edən müharibə 13-cü gününə daxil olduğu dövrdə bölgədə gərginlik daha da artır. Vaşinqtona qayıdarkən Merilend ştatındakı Joint Base Andrews hərbi hava bazasında jurnalistlərin suallarını cavablandıran Tramp İranı açıq şəkildə xəbərdar edib.O bildirib ki, ABŞ istəsə, Tehranın bəzi bölgələrinə və digər strateji obyektlərə zərbə endirə bilər. Trampın sözlərinə görə, belə bir addım İranın ölkəni yenidən qurmasını demək olar ki, mümkünsüz hala gətirər.“Əgər istəsək, İranın elektrik infrastrukturunu vura bilərik. Onların elektrik gücünü bir saat ərzində tamamilə məhv edə bilərik və bunu yenidən qurmaq üçün 25 il lazım olar. Buna baxmayaraq, ideal olaraq belə bir addım atmaq istəmirik”, – deyə o bildirib.Tramp həmçinin ABŞ-nin İranla əlaqəli qruplar barədə məlumatlı olduğunu qeyd edib. Onun sözlərinə görə, ABŞ kəşfiyyatı bu şəxslərin böyük hissəsinin harada olduğunu bilir və onları nəzarətdə saxlayır.
ABŞ daxilində İranla əlaqəli hüceyrələrin sayı barədə suala cavab verən Tramp bildirib ki, bu barədə ona brifinq təqdim olunub. O, keçmiş prezident Co Bayden administrasiyasının sərhəd siyasətini tənqid edərək, açıq sərhəd siyasəti səbəbindən ölkəyə çox sayda insanın daxil olduğunu iddia edib.“Onların çoxunun harada olduğunu bilirik və düşünürəm ki, hamısını nəzarət altında saxlayırıq”, – deyə Tramp vurğulayıb.Strateji neft ehtiyatlarının istifadəyə verilməsi ilə bağlı suala cavabında isə Tramp bildirib ki, ehtiyac yaranarsa, bu addım çox qısa müddətdə atılacaq və sonra ehtiyatlar yenidən doldurulacaq. İranın hərbi imkanlarına da toxunan ABŞ prezidenti deyib ki, İranın donanması, hava qüvvələri və effektiv hava hücumundan müdafiə sistemi demək olar ki, qalmayıb.“Biz İranın üzərində demək olar ki, tam sərbəst şəkildə fəaliyyət göstəririk”, – deyə Tramp əlavə edib.Həmçinin oxu:
Zibilə atılan bu meyvə qabığı qırmızı ətdən daha faydalıdır
Ağaclar çiçək açana qədər evə mütləq vazelin alın — Səbəb
Kilosunu 30 manata alırıq: Xəstəlik yaradırmış — İllər sonra açıqlandıO, həmçinin bölgədəki boğazlarda vəziyyətin yaxşı olduğunu iddia edib və İranın bəzi raketlərə malik olsa da, ümumi hərbi vəziyyətinin zəif olduğunu bildirib. Trampın sözlərinə görə, əsas məqsəd müharibəni qısa müddətdə qazanmaqdır.İslam
Demokrat.az
Hadisənin gedişatını izləmək üçün ain.az saytında ən son yeniliklərə baxın.
