ain.az, Fanat portalından verilən məlumatlara əsaslanaraq xəbər verir.
2026-cı il dünya çempionatının daha bir iştirakçısı baş məşqçisini itirib.
Fanat.Az xəbər verir ki, bu barədə "RMC Sport" məlumat yayıb.
Mənbənin məlumatına görə, Mərakeş millisinin baş məşqçisi Valid Reqraqui vəzifəsindən istefa verib. Tərəflər hazırda tərəfdaşlığa erkən son qoymaq üçün danışıqlar aparırlar.
50 yaşlı mütəxəssis karyerasını bir neçə klubun onun xidmətlərində maraqlı olduğu Səudiyyə Ərəbistanı çempionatında davam etdirə bilər.
Xatırladaq ki, Mərakeş milli komandası qarşıdan gələn 2026-cı il dünya Çempionatında mübarizə aparacaq. ABŞ, Meksika və Kanadanın ev sahibliyi edəcəyi mundialın qrup mərhələsində mərakeşlilər Braziliya, Haiti və Şotlandiya ilə qarşılaşacaqlar.
Qeyd edək ki, bu həftə tanınmış niderlandlı çalışdırıcı Dik Advokat Kurasao millisindən ayrılıb.
Abunə Ol
Sonrakı hadisələr barədə daha çox məlumat almaq üçün ain.az saytını izləyin.
