İran yaxın vaxtlarda Çinlə gəmi əleyhinə kruiz raketləri almaq üçün müqavilə imzalayacaq.
Publika.az xəbər verir ki, bu barədə "Reuters" məlumat yayıb.
Bildirilib ki, Çin istehsalı olan "CM 302" raketləri üçün müqavilə başa çatmaq üzrədir. Lakin çatdırılma tarixi hələlik razılaşdırılmayıb.
Səsdən sürətli raketlərin mənzili təxminən 290 kilometrdir və gəmi müdafiəsindən yayınmaq üçün nəzərdə tutulub.
Ekspertlərin sözlərinə görə, onların yerləşdirilməsi İranın zərbə imkanlarını əhəmiyyətli dərəcədə artıracaq və bölgədəki ABŞ dəniz qüvvələri üçün təhlükə yaradacaq.
