Serbiyanın Kralyevo şəhərində Prezident Aleksandr Vuçiçə qarşı sui-qəsd hazırlamaqda şübhəli bilinən iki nəfər saxlanılıb.
Bu barədə Serbiya Daxili İşlər Nazirliyi məlumat yayıb. Bildirilib ki, 1975-ci il təvəllüdlü D.R. və 1983-cü il təvəllüdlü M.R. həbs olunub.
Onlar konstitusiya quruluşunu zorla dəyişdirməyə cəhd, dövlət orqanlarını devirmək məqsədilə silah əldə etmək, prezidentin və ailə üzvlərinin, həmçinin polis əməkdaşlarının həyatına sui-qəsd hazırlamaqda şübhəli bilinirlər.
Şübhəlilər barəsində həbs qətimkan tədbiri seçilib, cinayət işi Kralyevo Ali Prokurorluğuna göndəriləcək.
Aytac
