Super Liqa: “Fənərbağça” “Kasımpaşa” ilə bacarmadı – ARENA.AZ

Bu gün futbol üzrə Türkiyə çempionatında (Super Liqa) 2025/2026-cı illər mövsümünün 23-cü turunun oyunlarına yekun vurulub.

Arena.az xəbər verir ki, sonuncu oyun günündə bir qarşılaşma baş tutub.

Turun qapanış matçında “Fənərbağça” doğma meydanda “Kasımpaşa” ilə üz-üzə gəlib. Tərəflər bu qarşılaşmadan hərəyə 1 qol və 1 xalla ayrılıblar.

Beləliklə, geridə qalmış 23 turdan sonra 55 xala malik “Qalatasaray” vahid liderdir. 53 xalı olan “Fənərbağça” ikinci, 48 xal toplamış “Trabzonspor” üçüncü pillədə qərarlaşıb. “Beşiktaş”ın 43, “Göztəpə”nin 41, “Başakşəhər”in 36, “Samsunspor”un 31 xalı var.

Türkiyə, Super Liqa
23-cü tur
20 fevral

Rizəspor – Kocaelispor 2:0
Qollar: Mihaila, 13. S.Akaydın, 57.

21 fevral

Eyüpspor – Gənclərbirliyi 1:0
Qol: M.Altunbaş, 90+1.

Alanyaspor – Başakşəhər 1:2
Qol: Haderqyonay, 67 – Selke, 14. Şomurodov, 44-pen.

Konyaspor – Qalatasaray 2:0
Qollar: A.Demirbağ, 75. Kramer, 81.

22 fevral

Kayserispor – Antalyaspor 1:0
Qol: T.Sarıarslan, 89.

Qaziantep – Trabzonspor 1:2
Qollar: Bayo, 22 – F.Auqusto, 24. Onuaçu, 27.

Beşiktaş – Göztəpə 4:0
Qollar: Ndidi, 9. Murilyo, 36. Olaytan, 59. Hyon-Qyu, 74.

Karagümrük – Samsunspor 0:0

23 fevral

Fənərbağça – Kasımpaşa 1:1
Qollar: Asensio, 90+5 – Allevina, 90+11.