Yeniavaz portalından verilən məlumata əsasən, ain.az bildirir.
ABŞ Hərbi Dəniz Qüvvələrinin “Gerald R. Ford” təyyarədaşıyan gəmisi və onu müşayiət edən gəmilər Yaxın Şərqə göndəriləcək.
Yeniavaz.com xəbər verir ki, bu barədə “New York Times” qəzeti ABŞ administrasiyasındakı mənbələrə istinadla məlumat yayıb.
Nəşrin yazdığına görə, Karib dənizində yerləşən flaqman gəmisinin heyətinə bu barədə bir gün əvvəl məlumat verilib.
Onun Fars körfəzindəki “Abraham Lincoln” aviadaşıyıcısının zərbə qrupuna qoşulması planlaşdırılır.
Bununla da, “Gerald R. Ford” “George HW Bush”la birlikdə Yaxın Şərq sularında patrul xidməti göstərən üçüncü ABŞ təyyarədaşıyan gəmisi olacaq.
Nəşr həmçinin, xatırladır ki, “Gerald R. Ford” ötən ilin iyun ayında Virciniya ştatının Norfolk şəhərindən yola düşüb və oktyabr ayında Karib dənizinə istiqamətləndirilib. Təyyarədaşıyan gəminin təyyarələri yanvarın 3-də Karakasa hücumda iştirak edib.
Qəzet yazır ki, gəminin martın əvvəlində vətənə qayıtması nəzərdə tutulurdu. Ancaq indiki vəziyyətdə gəmi aprelin sonu və ya may ayının əvvəlinə qədər evə qayıtmayacaq. Bu isə gəminin vaxtında lazımi texniki xidmətdən keçməsinə mane olacaq.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
