Şabran məktəbliləri arasında İNSİDENT – Döyülən şagirdin burnu sınıb

Şabranda məktəblilər arasında insident baş verib.

Bizim.Media-nın yerli bürosu xəbər verir ki, rayonun Məmmədağa Nəzirov adına 4 nömrəli tam orta ümumtəhsil məktəbinin 9-cu sinif şagirdi digər məktəblərin iki şagirdi tərəfindən mübahisə zəminində döyülüb. Hadisə zamanı məktəblinin burnu sınıb.

Məlumata görə, 9-cu sinif şagrdini döyənlər Şabran şəhər Roman Yusifov adına 2 nömrəli texniki fənlər təmayüllü məktəb-liseyin və Şabran şəhər 5 nömrəli tam orta ümumtəhsil məktəbinin şagirdləridir.

DİN Mətbuat Xidmətinin Quba regional qrupundan Bizim.Media-ya bildirilib ki, Şabran rayonunda məktəblilər arasında baş verən insidentlə bağlı polis əməkdaşları tərəfindən araşdırma aparılır:

“Hadisə nəzarətə götürülərək müvafiq tədbirlər görülür. Araşdırmanın nəticələrinə uyğun olaraq müvafiq qərar qəbul ediləcək”.

Aytəkin Alxaslı, Bizim.Media, Şimal bürosu

• Insident
• Məktəblilər
• Şabran
• Döyülən Şagird
• Burnu Sınıb