ain.az, Azertag saytından verilən məlumata əsaslanaraq xəbər yayır.
Bakı, 3 fevral, AZƏRTAC
Bu ilin yanvar ayı ərzində Səhiyyə Nazirliyinin Analitik Ekspertiza Mərkəzi tərəfindən ümumilikdə 48 aptekdə yoxlama keçirilib.
Mərkəzdən AZƏRTAC-a verilən məlumata görə, həmin yoxlamalardan 10-u Bakıda, 38-i isə respublikanın digər şəhər və rayonlarındakı apteklərdə aparılıb.
Yoxlamaların 32-si planlı, 16-sı plandankənar olub.
Aparılmış yoxlamalar nəticəsində 7 aptekdə müxtəlif nöqsanlar aşkarlanıb və həmin pozuntularla bağlı İnzibati Xətalar Məcəlləsinin 452.1, 452.2 və 452.3-cü maddələri üzrə müvafiq inzibati protokollar tərtib edilib.
Hadisənin gedişatını izləmək üçün ain.az saytında ən son yeniliklərə baxın.
