Sosial şəbəkələrdə əcnəbi xanım bloqerin Azərbaycan dilində danışdığı video geniş maraq doğurub və gündəmə çevrilib.
Yayılan görüntülərdə bloqerin Azərbaycan dilində olduqca səlis, aydın və məzəli üslubda danışması izləyicilərin diqqətini çəkib. Onun tələffüzü, ifadə tərzi və yerli sözlərdən düzgün istifadə etməsi sosial media istifadəçiləri tərəfindən xüsusi rəğbətlə qarşılanıb.
Video qısa müddətdə minlərlə baxış və paylaşım toplayıb. İzləyicilər şərhlərdə əcnəbi bloqerin Azərbaycan dilinə olan marağını yüksək qiymətləndiriblər.
Sözügedən görüntülər hazırda sosial mediada ən izlənən paylaşımlar sırasında yer alır.
