ABŞ administrasiyası İrana böyük bir dəniz qüvvəsi göndərdiyini elan etdikdən sonra, sürətini azaltmadan Yaxın Şərqə əlavə hərbi elementlər yerləşdirməyə davam edir.
Turkustan.az xəbər verir ki, ABŞ bir müddətdir iqtisadi şikayətlər üzündən nümayiş keçirən İran etirazçılarına dəstəyini bildirsə də, Tehran rejimi ilə danışıqlar barədə ritorikasının pərdəarxası arxasında ölkəyə hücum variantlarını nəzərdən keçirməyə davam edir.
Yanvar ayının əvvəlindən bəri ABŞ mediasına danışan hökumət və hərbi rəsmilər İranla gərginliyin artması ilə Yaxın Şərqə hava və dəniz güclərinin sürətlə yerləşdirildiyini vurğulayıblar.Buna uyğun olaraq, ABŞ Müdafiə Nazirliyi (Pentaqon) bölgəyə təyyarədaşıyan gəmilərin zərbə qruplarını, qabaqcıl qırıcı təyyarə donanmalarını və raketdən müdafiə sistemlərini yerləşdirir.
ABŞ prezidenti Donald Trampın 28 yanvarda İrana doğru böyük bir dəniz qüvvəsinin hərəkət etdiyini açıqlamasından sonra bölgəyə göndərişlərin davam etdiyi bildirilir.
CBS News xəbər verir ki, Trampın açıqlamasından bəri Yaxın Şərqə əlavə esminetslər göndərilib və bununla da bölgədəki esminetslərin ümumi sayı altıya çatıb.
Beləliklə, ABŞ Mərkəzi Komandanlığının (CENTCOM) Yaxın Şərqdəki məsuliyyəti altında olan esminetslərə bu yaxınlarda yerləşdirilən "USS Delbert D. Black", eləcə də "USS Spruance", "USS Murphy", "USS Frank E. Petersen", "USS McFaul" və "USS Mitscher" daxildir.
Həmçinin bölgədə "USS Abraham Lincoln" təyyarədaşıyan gəmisi və "USS Canberra", "USS Tulsa" və "USS Santa Barbara" sahil döyüş gəmiləri İrana qarşı əməliyyatlar aparmaq üçün əmr gözləyir.
Aytən Yaşar/ Turkustan.az
