Yunan-Roma və sərbəst güləş üzrə Azərbaycan çempionatı davam edir.
İdman.Biz bildirir ki, növbəti yarış günündə sərbəst güləş üzrə 57, 65, 74, 86 və 97 kq-da medalçılar müəyyənləşib.
57 kq-da Azərbaycan çempionu İslam Bazarqanov finalda Vasif Bağırova qalib gələrək çempion olub.
Muhəmməd İsmayılov və Elman Ağayev bürünc medallara yiyələniblər.
65 kq-da Rəşid Babazadə Azərbaycan çempionu adını qazanıb. Finalda onun rəqibi Musa Ağayev olub. Bürünc medallara Əli Rəhimzadə və Murad Haqverdiyev sahib olublar.
74 kq-da Azərbaycan çempionu Turan Bayramovdur. O, finalda Ağanəzər Novruzovdan üstün olub. Bürünc medallara Nurlan Ağazadə və Musa Verdiyev sahib çıxıblae.
86 kq-da Arseniy Djioyev finalda Orxan Abasovu məğlub edib. Bürünc medallar Əşrəf Aşırov və Nəsib İsayevə qismət olub.
97 kq-da Maqomedxan Maqomedov Osman Nurmaqomedovu üstələyərək çempion adını qazanıb. Zəfər Əliyev və Abdulcəlil Şabanov isə bürünc medallarla kifayətləniblər.
