Bu gecə Rusiya ordusunun Ukraynaya hava zərbəsi zamanı ümumilikdə 242 dron, 13 ballistik raket, o cümlədən orta mənzilli “Oreşnik” ballistik raketi, həmçinin, 22 qanadlı raket istifadə edilib..
APA xəbər verir ki, bu barədə Ukrayna Prezidenti Volodimir Zelenski “Telegram” kanalında bildirib.
“Adi mülki infrastruktur və enerji obyektlərindən əlavə, bu gecə Rusiya dronu Qətər səfirliyinə də zərər vurub. Bu ölkə çoxsaylı vasitəçilik fəaliyyəti ilə tanınır — Rusiya həbsxanalarında saxlanılan hərbi əsirlər və mülki şəxslərin azad olunmasına çalışır”, - Zelenski qeyd edib.
Qeyd edək ki, Rusiya Müdafiə Nazirliyi Rusiya Prezidenti Vladimir Putinin iqamətgahına hücuma cavab olaraq “Oreşnik”lə Ukraynaya kütləvi zərbələr endirdiyini bəyan edib.
Ukraynanın xarici işlər naziri Andrey Sibiqa Rusiyanın Ukraynaya qarşı orta mənzilli ballistik raket — “Oreşnik”dən istifadə etdiyini bəyan etməsindən sonra Kiyev BMT Təhlükəsizlik Şurasının, eləcə də Ukrayna–NATO Şurasının fövqəladə iclaslarının keçirilməsi təşəbbüsü ilə çıxış edib.
Sibiqa Rusiyanın “Putinin iqamətgahına hücuma” cavab olaraq “Oreşnik”lə Ukraynaya kütləvi zərbələr endirməsini absurd adlandırıb.
Poliqon.info
