Qazaxıstan Prezidenti Kasım-Jomart Tokayev 2022-ci ilin yanvar ayında ölkədə baş verən iğtişaşların "inqilabi" mütəxəssislər tərəfindən koordinasiya edildiyini açıqlayıb.
Missiya.Az xəbər verir ki, siyasətçi bu barədə "Türküstan" qəzetinə verdiyi müsahibəsində məlumat verib.
O bildirib ki, iğtişaşların təhrikçiləri, "inqilablar" üzrə mütəxəssislər tərəfindən koordinasiya edilərək, hökumətin yanacaq qiymətlərini qaldırmaq qərarından istifadə edərək insanları kütləvi nümayişlərə təhrik ediblər.
“Daha sonra vətəndaşlar, dövlət qulluqçuları və təhlükəsizlik qüvvələrinin əhəmiyyətli bir hissəsi arasında çaxnaşma yarandı və onlar gizli sənədləri və silahları qoyub xidmət yerlərini tərk etməyə başladılar. Milli Təhlükəsizlik Komitəsinin və Daxili İşlər Nazirliyinin bir sıra rəhbərləri vətənə sədaqət və peşəkarlıq sınağından keçə bilmədilər”, - deyə siyasətçi vurğulayıb.
Daşqın HəsənovMissiya.Az
