Avropa İttifaqı Venesuelada bu ölkənin suverenliyinə hörmətlə demokratik qaydaya dinc keçidin tərəfdarıdır...
Poliqon xəbər verir ki, müvafiq bəyanatı Avropa diplomatiyasının rəhbəri Kaya Kallas dərc edib.
"Aİ dünyada təhlükəsizliyə ciddi təhdid yaradan transmilli mütəşəkkil cinayətkarlıq və narkotik qaçaqmalçılığı ilə mübarizənin prioritetini bölüşür. Eyni zamanda, Aİ vurğulayır ki, bu çətinliklər beynəlxalq hüquqa və ərazi bütövlüyü və suverenlik prinsiplərinə tam hörmətlə davamlı əməkdaşlıq yolu ilə həll edilməlidir", deyə bəyanatda bildirilir.
Kallas həmçinin Aİ-nin Nikolas Maduronun demokratik yolla seçilmiş prezidentin legitimliyinə malik olmadığı mövqeyini bir daha təkrarlayıb.
O əlavə edib ki, Aİ bütün tərəflərlə dialoqu dəstəkləmək və asanlaşdırmaq üçün ABŞ, eləcə də regional və beynəlxalq tərəfdaşlarla sıx əlaqə saxlayır. Diplomat vurğulayıb ki, bu, venesuelalıların rəhbərliyi altında böhranın danışıqlar yolu ilə, demokratik, inklüziv və dinc həllinə gətirib çıxarmalıdır:
"Bu kritik dövrdə bütün tərəflərin insan hüquqlarına və beynəlxalq humanitar hüquqa tam hörmət etməsi vacibdir. Hazırda Venesuelada saxlanılan bütün siyasi məhbuslar qeyd-şərtsiz azad edilməlidir. Aİ üzv dövlətlərinin konsulluq orqanları, o cümlədən Venesuelada qanunsuz saxlanılanların təhlükəsizliyini qorumaq üçün sıx əməkdaşlıq edir".
Poliqon.info
