ABŞ Prezidenti Donald Tramp kokainə görə Kolumbiyada hərbi əməliyyat keçirəcəyini istisna etməyib.
D. Tramp Kolumbiya prezidenti Qustavo Petronu kokain istehsal etməkdə ittiham edib və Maduronun timsalında ona qarşı hərbi əməliyyat keçiriləcəyini istisna etməyib. Onun sözləri Ağ Ev tərəfindən yayımlanıb.
Gazeta.Ru-nun yaydığı məlumata görə,
Tramp jurnalistlərə deyib ki, Petro “kokain istehsal edir” və Kolumbiya prezidenti “daha diqqətli olmalıdır”. Bu açıqlamalar ABŞ-ın Venesuela prezidenti Nikolas Maduro və həyat yoldaşı Cilia Floresin tutulduğunu elan etməsindən sonra edilib.
Amerika liderinin bəyanatına cavab olaraq Kolumbiya prezidenti həmkarını ona qarşı böhtan xarakterli ittihamlar yaymağı dayandırmağa çağırıb. O, həmçinin vurğulayıb ki, Kolumbiya ədalətinin narkotik kartellərinə qarşı apardığı onilliklər ərzində onun adı heç vaxt müvafiq məhkəmə sənədlərində yer almayıb.
"50 il ərzində mən bir dənə də olsun narkotik alveri işində iştirak etməmişəm – nə keçmişdə, nə də indi. Mənə böhtan atmağı dayandırın, cənab Tramp", - Petro sosial şəbəkədə yazıb.
Bundan əvvəl Danimarkanın baş naziri Mete Frederiksen Trampı Qrenlandiyanın ABŞ-a qoşulma ehtimalını müzakirə etməyi dayandırmağa çağırmışdı.
Məlum olduğu kimi, Kolumbiya Venesueladakı vəziyyətlə bağlı BMT Təhlükəsizlik Şurasının iclasını çağırıb.
İradə SARIYEVA
