ain.az, Ayna portalına istinadən məlumat yayır.
“ABŞ administrasiyası Venesuela hökumətinə bir sıra tələblər irəli sürəcək”
ABŞ xüsusi təyinatlıları tərəfindən saxlanılan Venesuela Prezidenti Nikolas Maduro Nyu-Yorkdakı Stüart Hava Milli Qvardiyası bazasına aparılıb. Bolivar Respublikası liderinin təyyarədən müşayiət olunduğu görüntülər internetdə yayılıb.
Maduro əlləri qandallı və başına torba keçirərək Nyu-Yorka gətirilib. Bazada onu 20-dən çox adam müşayiət edib. Onların çoxunun üzərində "DEA" və "HSI" (Vətən Təhlükəsizliyi Təhqiqatları) yazılan gödəkçələr olub.
Daha sonra Maduronun Nyu-York Şəhər Narkotiklərlə Mübarizə İdarəsinin ofisində şəkilləri çəkilib. Dövlət başçısı kameraların yanından keçərkən hər kəsə xoş gecələr və Yeni il arzulayıb.
Maduro amerikalı reper P.Diddinin saxlanıldığı və milyarder pedofil Ceffri Epşteynin əvvəllər həbsdə olduğu "ulduz" həbsxanasına göndərilib. Venesuelanın ələ keçirilən liderinə qarşı ittihamlar bu gün irəli sürüləcək.
Qeyd edək ki, ABŞ Prezidenti Donald Tramp Venesuela liderinin ona meydan oxuduğunu iddia etdiyi bir video yayımlayıb . Videoda Maduronun "Gəl məni tut, səni burada, Mirafloresdə (Venesueladakı prezident sarayı) gözləyəcəyəm" dediyi çıxışının bir parçası var. “Bura çatmaq daha uzun çəkəcək, qorxaq. Gəl məni tut, qorxaq" deyə Maduro bildirir.
Ağ Ev həmçinin Trampın təhqiramiz ifadələrlə çəkilmiş şəklini də yayımlayıb . Posterdə Amerika lideri "FAFO" (Fuck Around, Find Out) abreviaturasının fonunda təsvir olunub. Ağ Ev xəbərdarlıq edib ki, "video üzərində oynanılmayıb ".
Rusiya Elmlər Akademiyasının Təhlükəsizlik Tədqiqatları Mərkəzinin aparıcı tədqiqatçısı və Amerika tədqiqatları üzrə ixtisaslaşmış politoloq Konstantin Bloxin “Lenta.ru”ya bildirib ki, Maduronun tutulmasından sonra ABŞ administrasiyası Venesuela hökumətinə bir sıra tələblər irəli sürəcək: “Onlar Venesuela hökumətini onları qəbul etməyə, karbohidrogenlərinə çıxışı təmin etməyə və çox güman ki, Rusiya və Çinlə əməkdaşlıqdan imtina etməyə məcbur etməyə çalışırlar. Əsas məqsəd budur".
Daha əvvəl Rusiya Dövlət Dumasının Beynəlxalq Əlaqələr Komitəsinin üzvü Roza Çemeris bildirib ki, Maduronun tutulması ABŞ-ın bütün Latın Amerikası ölkələrinə təzyiq göstərmək cəhdidir. O ABŞ-ın Venesuelaya hücumunun narkoterrorizm və ya korrupsiya ittihamları ilə deyil, neftlə bağlı olduğunu iddia edib.
Yeri gəlmişkən, Tramp Venesuelanın vitse-prezidenti Delsi Rodrigezə xəbərdarlıq edib. ABŞ lideri bildirib ki, ölkə hakimiyyəti Vaşinqtonun tələblərinə əməl edəcəyi təqdirdə ABŞ Venesuelaya qoşun yeritməyəcək.
Rodriqez Trampa cavab olaraq ABŞ-ın “uydurma bəhanələr altında Venesuelaya qarşı təcavüz aktı” törətdiyini qeyd edib.
“Venesuela heç kimin müstəmləkəsi olmayacaq. Venesuelanın yeganə qanuni Prezidenti Nikolas Madurodur”, - deyə Rodriqez söyləyib.
Siyasətçi Maduro və həyat yoldaşının dərhal azadlığa buraxılmasını tələb edib. O həmçinin vurğulayıb ki, rəhbərlik ölkənin təbii sərvətlərini qorumağa davam edəcək, “çünki onlar Venesuela xalqına məxsusdur”.
Rodriqez həmçinin ABŞ-ın ölkəyə hücumundan sonra vətəndaşları birliyi qorumağa çağırıb. O "polis, hərbçi və xalqın vahid qüvvəsi olaraq suverenliyimizi və müstəqilliyimizi müdafiə etməyin bu mərhələsini dəf edə bilməyimiz üçün" sakitliyin qorunmasının vacibliyini vurğulayıb.
Xatırladaq ki, Venesuelada artıq fövqəladə vəziyyət elan edən fərman qüvvəyə minib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
