Nazir sağ olduğunu təsdiqləyib və hakimiyyətin mövqeyini bəyan edib...
Poliqon xəbər verir ki, Venesuelanın müdafiə naziri sağ olduğunu bildirərək ictimaiyyətə açıqlama ilə çıxış edib. Onun sözlərinə görə, ölkə rəhbərliyi mövcud vəziyyətlə bağlı hər hansı danışıqlara getmək niyyətində deyil və təslim olmayacaq.
Nazir vurğulayıb ki, hökumət və silahlı qüvvələr xarici təzyiqlərə və mümkün hərbi-siyasi ssenarilərə qarşı mübarizəni davam etdirəcək.
“Biz danışıqlar aparmayacağıq, təslim olmayacağıq və sonda qələbə qazanacağıq”, deyə o qeyd edib.
Açıqlamada bildirilib ki, Venesuela ordusu tam döyüş hazırlığı vəziyyətindədir və ölkənin suverenliyini, ərazi bütövlüyünü qorumaq üçün bütün zəruri addımlar atılacaq. Müdafiə naziri eyni zamanda tərəfdarlarını sakitliyə və dövlət institutlarına dəstəyə çağırıb.
Müşahidəçilər hesab edirlər ki, bu bəyanat son günlər Venesuela ətrafında yayılan ziddiyyətli məlumatlar və regionda artan gərginlik fonunda verilib. Açıqlama hakimiyyətin mövqeyini sərtləşdirdiyini və hər hansı güzəşt ehtimalını istisna etdiyini göstərir.
Poliqon.info
