Bakı, 3 yanvar, AZƏRTAC
2025-ci il Birləşmiş Krallıq tarixində ən isti dövr olub.
AZƏRTAC xəbər verir ki, bu məlumatı Britaniyanın Milli Meteorologiya Agentliyi (Met Office) yayıb.
Qeyd olunur ki, 2025-ci ildə orta illik temperatur 10,09 dərəcə Selsi olub. Bu da, 2022-ci ildə təsbit edilmiş rekordu (10,02 dərəcə Selsi) üstələyir.
Agentlik bildirir ki, müntəzəm ölçmələrin aparıldığı 1884-cü ildən indiyədək son 10 ildəki qədər uzun davam edən isti mövsümlər qeydə alınmayıb. Bu da iqlim dəyişikliyinin bariz nümunəsidir.
