Ukrayna üçün “sülh planı” üzrə danışıqları davam etdirmək üçün Ukrayna, ABŞ, Avropa Birliyi və Rusiyadan ibarət dördtərəfli qrup yaradılacaq.
Ukrayna Prezidenti Vladimir Zelenski bunu 29 dekabrda media ilə onlayn sual-cavab zamanı açıqlayıb. Bir gün əvvəl, ABŞ-da keçirilən növbəti danışıqlardan sonra, Vladimir Putinin köməkçisi Yuri Uşakov Kreml liderinin “Trampın Ukraynadakı müharibənin həlli üzrə iki xüsusi işçi qrupu – biri təhlükəsizlik, digəri isə iqtisadi məsələlər çərçivəsində davam etdirmək təklifi ilə razılaşdığını” bildirib.
Zelenski deyib ki, sülh müqaviləsi layihəsi tam razılaşdırılarsa, onu Kiyev, Vaşinqton, Brüssel və Moskva imzalayacaq, yəni qrup məhz bu tərkibdə formalaşdırılmalıdır. Dövlət başçısı bildirib ki, “Əgər dörd tərəf – Ukrayna, Avropa, Amerika və Rusiya tərəfindən imzalanacaq 20 maddəlik plana doğru irəliləsək (və çox ümid edirəm ki, tez bir zamanda), onda yəqin ki, dörd tərəfli texniki qrupa ehtiyacımız var.
Bununla razıyıq. Bilirəm ki, liderlər səviyyəsində və ya müvafiq telefon danışıqları vasitəsilə üçtərəfli görüş – Amerika, Ukrayna və Rusiya – keçirmək qabiliyyətimizlə bağlı suallar var”. O, Ukrayna tərəfinin istənilən danışıqlar konfiqurasiyasına açıq olduğunu vurğulayıb.
//Samir Qurbanov, Editor.az
