Demokrat.az saytından alınan məlumata görə, ain.az bildirir.
"Təmizlikçi qadınların etiraz videosu mənə tanışdır hətta öz səhifəmdə paylaşmışdım ki, məsələyə diqqət çəksin. Doğrudan da, bu, bizim bir ənənəmizdir. Bunlar həm zibil atanlardır, həm də şadlıq evində yanımızda siqaret çəkənlərdir. Hamısı qəşəng geyinmiş, müəyyən qədər zövqlü, Azərbaycan xalqının dəyərli övladlarıdır". Bunu Demokrat.az-a açıqlamasında deputat Fazil Mustafa deyib. O, bildirib ki, bu, insanların evdən kənardakı münasibətinin göstəricisidir:"Bunlar meşədə yeyib-içəndən sonra zibilləyən, dəniz kənarında qarpız yeyib qabığını atan, su şüşələrini tullayan həmvətənlərimizdir, yaxınlarımız, doğmalarımızdır. Bu nə deməkdir? Cəmiyyətdə ictimai qınaq anlayışı çox zəifdir, heç kim heç kimə irad bildirə bilmir. Təmizlikçi qadına baxanda ürəyin ağrıyır, o da kiminsə anası, bacısı ola bilər. Amma bunu edənlər heç bir xəcalət çəkmirlər. Hətta elə bil ki, “nə olub ki?” deyə yanaşırlar".Deputat bildirib ki, belə məsələlərdə yeni bir kəşfə ehtiyac yoxdur, sadəcə özümüzü dəyişməliyik:"Çoxlarımızın davranışını azaltmaq lazımdır, başqa yolu yoxdur. Bu davranışlar hər yerdə görünür, məktəbin həyətinə girib ev tikmək, yolu zəbt edib hasar çəkmək, yolun ortasında özünə yer yaratmaq və s. bunların hamısı bizik. Ona görə də bu görüntüdən utanmalı olan biz hamımızıq".Əfsanə Kamal
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
