Oyuncaq aldı, sistem içki və tütün məhsulu kimi tanıdı – ƏDV-ni qaytarmadı - FOTO

Bakıda fəaliyyət göstərən mağazalardan birində alıcı maraqlı vəziyyətlə qarşılaşıb.

Day.Az Milli.Az-a istinadən xəbər verir ki, vətəndaş "dekoliv" adlı dükandan 19.90 manat dəyərində oyuncaq alıb və ödənişi QR kod vasitəsilə həyata keçirib.

Lakin ƏDV-ni geri almaq üçün çekdəki məlumatı sistemə daxil etdikdə ona "tütün və spirtli içkilərə ƏDV qaytarılmır" bildirişi gəlib.

Vətəndaş isə spirtli içki və ya tütün deyil, sadəcə oyuncaq aldığını qeyd edib və bu uyğunsuzluğun səbəbinin izah edilməsini istəyib.