İngiltərə Liqa Kubokunun dörddəbir final mərhələsinin “Arsenal” və “Kristal Palas” komandaları arasında oyun başa çatıb.
İdman.Biz bildirir ki, əsas və əlavə vaxtda komandalar 1:1 hesablı heç-heçə ediblər, penaltilər seriyasında isə “topçular” 8:7 hesablı qələbə qazanıblar.
Oyun Londondakı “Emirates” stadionunda baş tutub.
80-ci dəqiqədə “Palas”ın müdafiəçisi Maksens Lakrua öz qapısına qol vuraraq “topçular”ı irəli çıxarıb. 90+5-ci dəqiqədə Mark Qehi hesabı bərabərləşdirib.
“Arsenal” yarımfinalda “Çelsi”" ilə qarşılaşacaq. Digər yarımfinal oyununda isə “Nyukasl Yunayted” və “Mançester Siti” qarşılaşacaq. Yarımfinalın ilk oyunları 12 yanvar həftəsində keçiriləcək.
