Bu ilin yanvar-noyabr aylarında Azərbaycanda 24 603,5 kVt/saat elektrik enerjisi istehsal olunub, bu da illik müqayisədə 1% artım deməkdir.
Bu barədə “APA-Economics” Dövlət Statistika Komitəsinə istinadən xəbər verir.
Məlumata görə, hesabat dövründə ölkədə istehsal olunan elektrik enerjisinin 23 783,1 kVt-saatı əmtəəlik məhsulun payına düşüb (1% artım).
Ölkədə istehsal olunan elektrik enerjisinin ən böyük payı – 20 444,7 kVt/saat istilik elektrik stansiyalarının üzərinə düşüb ki, bu da 2024-cü ilin yanvar-noyabr göstəricisindən 0,9% çoxdur.
Cari ilin 11 ayı ərzində Azərbaycanda istehsal olunan elektrik enerjisinin qalan hissəsi su elektrik stansiyalarından, eləcə də digər alternativ və bərpa olunan enerji mənbələrindən əldə edilib.
Onu da qeyd etmək lazımdır ki, hesabat dövründə Azərbaycanda külər stansiyaları 100 mln. kVt/saat elektrik enerjisi istehsal ediblər ki, bu da illik müqayisədə 5 dəfə artım deməkdir.
Azərbaycanda elektrik enerjisinin istehsalı:
| Məhsul növləri | 2025-ci ilin yanvar-noyabr aylarında istehsal edilmişdir | Əvvəlki ilin müvafiq dövrünə nisbətən, faizlə |
| Elektrik enerjisi, mln. kVt.s | 24 603,5 | 101 |
| ondan əmtəəlik | 23783,1 | 101 |
| istilik elektrik stansiyalarının istehsalı | 20 444,7 | 100,9 |
| ondan: tullantıların yandırılmasından alınan elektrik enerjisi | 172,9 | 94,6 |
| su elektrik stansiyalarının istehsalı | 2 665,9 | 98 |
| külək elektrik stansiyalarının istehsalı | 100 | 2,0 d. |
| günəş elektrik stansiyalarının istehsalı | 572,5 | 110,1 |
