BAKI, 9 dekabr. TELEQRAF
“Qarabağ”ın baş məşqçisi Qurban Qurbanov Bakıda Niderlandın “Ayaks” klubu ilə UEFA Çempionlar Liqasının VI tur oyunundan öncə mətbuat konfransına qatılıb.
Teleqraf xəbər verir ki, təcrübəli mütəxəssis əvvəlcə oyun barədə fikirlərini bölüşüb, daha sonra jurnalistlərin suallarını cavablandırıb:
“Çox vacib oyundur. Hazırlaşmağa bir o qədər də vaxtımız olmadı. Oyunun gedişatında fərqli rotasiyalar edən komandaya qarşı oyanaycağıq. Qarşımızda qalib gəlmək istəyən bir komanda var. Onların proqramına baxanda bəlli olur ki, bizə qarşı çox ciddi hazırlaşıblar. Bakıya iki gün öncə gəliblər, fərqli yerdə məşq edəcəyik. Çox istərdik ki, bu oyunda yaradıcı oynayaq. Azarkeşləri sevindirməyə çalışacağıq”
