Ermənistanın xarici işlər naziri Ararat Mirzoyan 2–3 dekabr tarixlərində işgüzar səfərlə Brüsseldə olacaq.
KONKRET.az xəbər verir ki, 2 dekabrda Aİ-Ermənistan Tərəfdaşlıq Şurasının 6-cı iclası keçiriləcək.
İclasa nazir Mirzoyanın rəhbərlik etdiyi nümayəndə heyəti qatılacaq. Müzakirələrin yekununa əsasən, Ermənistanın xarici işlər naziri, Aİ-nin xarici siyasət və təhlükəsizlik üzrə ali nümayəndəsi Kaya Kallas və Aİ-nin genişlənmə məsələləri üzrə komissarı Marta Kosun iştirakı ilə birgə mətbuat konfransı keçiriləcək.
3 dekabrda Ararat Mirzoyan Şərq Tərəfdaşlığı Vətəndaş Cəmiyyəti Forumunun 2-ci sammitində çıxış edəcək.
Səfər çərçivəsində bir sıra ikitərəfli görüşlər də planlaşdırılıb.
Müşviq Tofiqoğlu
KONKRET.az
