Paşinyan: “Ermənistanda mənəvi yenidənqurma gedir”

AzVision.az xəbər verir ki, Nikol Paşiyan hazırda Ermənistanda “mənəvi yenidənqurma” prosesinin getdiyini iddia edib.

“Mənim mənəvi həyatım, yoldaşlarımın və tərəfdarlarımın həyatı kimi tam bərpa olunub. Mən bu gün liturgiyada baş nazir kimi yox, Erməni Apostol Kilsəsinin (EAK) sıravi davamçısı kimi iştirak edirəm”,- Ermənistanın baş naziri deyib.

Paşinyan EAK-ın rəhbərinə qarşı aksiya hazırlayıb

Onun sözlərinə görə, əvvəllər mövcud olduğunu iddia etdiyi “anti-mənəvi”atmosferi nəzərə alsaq, liturgiyalar zamanı özünü indiki kimi apara bilməzdi.

- Bu ciddi bir maneə idi, amma indi aradan qaldırılıb. EAK-ın sıravi davamçısı kimi mən indi tam mənəvi həyat yaşaya bilirəm. Mən istəyirəm ki, bu, mənəvi həyat yaşayan bütün Ermənistan vətəndaşlarının nəsib olsun”,- Nikol Paşinyan vurğulayıb.

Xatırladaq ki, son aylarda Ermənistanın baş naziri Nikol Paşinyanla EAK-ın rəhbəri II Qaregin arasında yaşanan ciddi qarşıdurma çərçivəsində ölkədə dövlət çevrilişin hazırlıqda ittiham edilən bir neçə kilsə xadimi həbs olunub.

Sahil İsgəndərov
AzVision.az