Rusiyanın hücumları nəticəsində Ukraynanın Ternopol bölgəsində həyatını itirənlərin sayı 19 nəfərə çatıb.
APA “UNIAN”a istinadən xəbər verir ki, xəsarət alanların sayı 60 nəfəri ötüb.
Yaralananlardan 16-sı uşaqdır.
***
11:54
Rusiyanın Ternopola hücumu nəticəsində azı 9 nəfər ölüb.
APA xəbər verir ki, bu barədə Ukrayna prezidenti Volodimir Zelenski özünün “X” hesabında məlumat verib.
Onun sözlərinə görə, Rusiya ötən gecə Ukraynaya 470-dən çox dron və 48 raketlə hücum edib.
“Ternopolda 9 mərtəbəli yaşayış binasına zərbə endirilib. Zərbə yanğına səbəb olub. Dağıntılar altında qalanlar ola bilər. 9 nəfər həyatını itirib. Xarkova hücumda isə onlarla xəsarət alan var. İvano-Frankovs regionunda enerji infrastrukturumuza edilən hücumda 3 nəfər yaralanıb, onların ikisi uşaqdır” Zelenski qeyd edib.
Prezident Kiyev, Donetsk, Çernihiv, Dnepr və digər bölgələrə də hücumlar edildiyini bildirib.
