Türkiyə milli müdafiə naziri Yaşar Gülər 8 Noyabr – Zəfər Günündə keçiriləcək tədbirlərdə iştirak etmək üçün Azərbaycana səfər edib.

Bu barədə Türkiyə Milli Müdafiə Nazirliyinin “X” hesabındakı paylaşımında qeyd olunub.

Bildirilib ki, naziri Bakıda Türkiyənin Azərbaycandakı səfiri Birol Akgün və digər rəsmi şəxslər qarşılayıblar.

Qeyd edək ki, Y. Güleri səfəri zamanı Türkiyənin Baş Qərargah rəisi, ordu generalı Selçuk Bayraktaroğlu, Hərbi Dəniz Qüvvələrinin komandanı, admiral Ercüment Tatlıoğlu, Hərbi Hava Qüvvələrinin komandanı, ordu generalı Ziya Cemal Kadıoğlu və Quru Qoşunlarının komandanı, ordu generalı Metin Tokel müşayiət edirlər.