Xalq qazeti saytından alınan məlumatlara görə, ain.az xəbər verir.
Azərbaycan Atıcılıq Federasiyasının təşkilatçılığı ilə Bakı Atıcılıq Mərkəzində Vətən müharibəsində qazanılan şanlı qələbəyə həsr olunan “Zəfər Kuboku 2025” güllə atıcılığı turniri keçirilib.
Yarışlarda Azərbaycan, Belarus və Gürcüstanı təmsil edən 100-dən çox idmançı Kubok uğrunda mübarizə aparıb.
10 metr məsafəyə pnevmatik tüfəngdən atəş üzrə qadınlar arasında keçirilən yarışda Nikol Kurylenak 1-ci, Darya Chuprys 2-ci (hər ikisi Belarus), Əfsanə Elvina (Azərbaycan) 3-cü yeri tutub.
10 metr məsafəyə pnevmatik tüfəngdən atəş üzrə kişilər arasında keçirilən yarışı təmsilçilərimiz Ruslan Qəhrəmanov 1-ci, Əliməmməd Hüseynov 2-ci, Ramiz Xəlilov isə 3-cü pillədə başa vurublar.
10 metr məsafəyə pnevmatik tapançadan atəş üzrə qadınlar arasında keçirilən yarışda idmançımız Nigar Nəsirova 1-ci, belaruslu Liubov Yaskevich və Zoya Dasko müvafiq olaraq 2-ci və 3-cü yerləri bölüşüblər.
10 metr məsafəyə pnevmatik tapançadan atəş üzrə kişilər arasında keçirilən yarışda Belarus idmançıları İvan Kazak 1-ci, Uladzislau Dzemesh 2-ci, Vladislav Kalmıkov isə 3-cü yerə layiq görülüb.
10 metr məsafəyə pnevmatik tüfəngdən atəş üzrə qarışıq komanda yarışında mükafatların 3-nü də Azərbaycan idmançıları qazanıb. Elvina Əfsanə / Zahid Sofiyev 1-ci, Aynur Mahmudova / Ruslan Qəhrəmanov 2-ci, Vəfa Zeynalova / Əliməmməd Hüseynov isə 3-cü olub.
10 metr məsafəyə pnevmatik tapançadan atəş üzrə qarışıq komanda yarışının qalibləri Belarus idmançıları Dasko Zoya / Krautsou Yury 1-ci, Piatrova Aliaksandra / Dzemesh Uladzislau 2-ci, gürcüstanlı Prodiashvili Mariami / Mumladze Giorgi isə 3-cü yeri tutub.
XQ
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
