Ajans.az xəbər verir ki,bu barədə məlumatı qubernatorun mətbuat xidməti yayıb. Yanqkin Demokrat Partiyasını mövcud böhran üçün günahlandırıb. Onun sözlərinə görə, SNAP dəstəyinə ehtiyacı olan 850.000-dən çox sakin 1 noyabr 2025-ci ildən etibarən ərzaq talonlarına çıxış imkanını itirə bilər. “Mən həssas əhalini federal hökumətin bağlanmasının nəticələrindən qorumaq üçün fövqəladə vəziyyət elan edirəm,” – deyə Yanqkin bildirib. Qubernator həmçinin Virciniya senatorları Mark Uorner və Tim Keynə müraciət edərək, “bu absurda son qoymağa” və ştatda humanitar böhranın qarşısını almaq üçün federal büdcənin qəbul edilməsi üçün dərhal səs verməyə çağırıb. “Mən Virciniya ac insanlarının siyasi oyunlarda piyada kimi istifadə olunmasına icazə verməyəcəyəm,” – deyə qubernator əlavə edib. Qeyd edək ki, ABŞ-da federal hökumət bağlanması artıq 20-ci gününü yaşayır. Büdcə qəbul edilmədiyi üçün dövlət qurumları fəaliyyətini dayandırıb, xeyli sayda dövlət qulluqçusu məzuniyyətə göndərilib. Bundan əlavə, prezident Donald Tramp hökumətdə kütləvi ixtisarlar elan edib ki, bu əsasən Demokrat Partiyasına təsir göstərəcək.

 

• Qubernator
• Böhran
• Fövqəladə Vəziyyət
• Federal Hökumət
• Demokrat Partiyası
• Snap
• Ərzaq Talonları