Yazını böyüt
Yazını kiçilt
Böyük Britaniya və Fransa arasındakı qeyri-qanuni miqrantların qaytarılması ilə bağlı razılaşma çərçivəsində Britaniyadan Fransaya deportasiya olunan sığınacaq axtaran şəxs kiçik qayıqla yenidən ölkəyə qayıdıb.
Hafta.az xəbər verir ki, bu hadisə Baş nazir Kir Starmerin sərhədlərə nəzarəti gücləndirmək vədini sarsıdan hadisə kimi qiymətləndirilir.
Həmin miqrant bildirib ki, Fransanın şimalında qaçaqmalçılar tərəfindən müasir qul kimi istismar edilib və buna görə oraya qayıtmaq istəmir:
“Əgər Fransa mənim üçün təhlükəsiz olsaydı, heç vaxt Böyük Britaniyaya qayıtmazdım”.
Hazırda həmin şəxs miqrasiya saxlanma mərkəzindədir. Daxili İşlər Nazirliyi onun yenidən çıxarılması prosesini sürətləndirməyə çalışır. /“The Independent”/
