BAKI, 17 oktyabr. TELEQRAF
“Ukrayna Silahlı Qüvvələri Rusiya ordusunun yaz-yay hücum kampaniyasını dayandırıb. Qüvvələrimiz Zaporojye vilayətində müəyyən ərazilərə nəzarəti bərpa edib”.
Teleqraf xəbər verir ki, bu barədə Ukrayna Silahlı Qüvvələrinin Ali Baş Komandanı Aleksandr Sırski bildirib.
“Ukrayna hərbçiləri Rusiya işğalçılarını Sumı vilayəti ərazisində sıxışdırmaqda davam edir. Donetsk vilayətinin Pokrovsk rayonunda aktiv əməliyyatlar davam edir. Həmçinin Müdafiə qüvvələri Zaporojye vilayətində əraziləri nəzarəti bərpa etməkdə müəyyən uğurlar qazanıb”, - o vurğulayıb.
