1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İspaniyanın "Kolindres" klubunun 19 yaşlı qapıçısı Raul Ramires ölkə çempionatının beşinci liqasının oyunu zamanı aldığı zədədən sonra vəfat edib.
Oxu.Az xəbər verir ki, bu barədə İspaniya Kral Futbol Federasiyasının (RFEF) Mətbuat Xidməti məlumat yayıb.
Faciəli insident Santanderdə baş verib. Oyun epizodunda qapıçı kəllə-beyin travması alıb və ürəyi dayanıb. "Kolindres"in məşqçisi Rafa de la Penya qapıçıya kömək etməyə çalışsa da, o, Ramiresi xilas edə bilməyib.
Futbolçu yerli xəstəxananın Reanimasiya şöbəsində dünyasını dəyişib.
