Çox qadın arıqlamaq, bədənlərini və sağlamlıq vəziyyətlərini yaxşılaşdırmaq üçün kalori çatışmazlığı olan düzgün qidalanma və məşqə müraciət edir. Belə bir vəziyyətdə tərəziyə çıxıb çəkinin artdığını görməkdən daha pisi ola bilməz.
HİT.az xəbər verir ki, belə bir vəziyyətdə ilk reaksiya məyusedicı ola bilər, amma əslində bu tez-tez yaxşı bir əlamətdir. "Unian" kalori çatışmazlığı və idman zamanı çəkinin niyə düşmədiyini araşdırıb.
Çəkinin düşməməsinin əsas səbəbləri
Bu, sizin səyləriniz sayəsində aktiv şəkildə əzələ kütləsi qazandığınız zaman baş verir. Diqqətlə baxın: belə hallarda adətən çəki düşmür, amma bədən ölçüləri azalır. Tərəzidəki rəqəmlər sevindirməsə də, bədən daha cəlbedici görünüşə malik olur.
Məlum olduğu kimi, bədən sudan, əzələ kütləsindən və yağdan ibarətdir. Sonuncu istilik izolyasiyası təmin edir, enerji ehtiyatı yaradır və daxili orqanları qoruyur. Az miqdarda yağ orqanizm üçün zəruridir, xüsusən də qadın bədəni üçün. Araşdırmada qeyd edildiyi kimi, insanlığın gözəl yarısı üçün sağlam hormonal fonu və reproduktiv funksiyanı qorumaq üçün yağ lazımdır (birgə aparılmış italyan və yunan alimlərinin araşdırması).
Eyni zamanda, əzələlər tarazlıq və bədənin hərəkətliliyini təmin edir. İllər keçdikcə onların kütləsi azalır. ABŞ-ın Yaşlanma Problemləri üzrə Milli İnstitutunun saytındakı araşdırmaya görə, əzələləri saxlamaq hətta qoca yaşda belə sağlamlığı qorumağın ən yaxşı yollarından biridir.
Bir kiloqram əzələ və bir kiloqram yağ eyni çəkidədir, lakin onların həcmi tamamilə fərqlidir. Yağ dəri altında çox yer tutur, əzələlər isə sıx və yığcamdır. Aktiv məşq zamanı yağ yanır, əzələlər isə artır. Çəki artıla bilər, lakin eyni zamanda bədən daha relyefli olur.
Qeyd etmək lazımdır ki, istirahət vəziyyətində əzələlər daha çox kalori yandırır, bu da ümumi metabolizmi yaxşılaşdırır. Nə qədər çox əzələ o qədər çox enerjiyə ehtiyac.
Pəhriz və məşq zamanı çəkinin düşməməsinin başqa səbəbləri də var. Məsələn, bu, fiziki məşqlərdən qaynaqlanan mayenin saxlanması səbəbindən baş verə bilər. İnsan yeni məşq proqramına keçdikdə və ya yükü artırdıqda, əzələlərin müvəqqəti zədələnməsi baş verə bilər. Bu, ağrı, şiş və iltihabla nəticələnir, çünki orqanizm bərpa olunmağa çalışır.
Maribor Universitetinin araşdırmasında qeyd edildiyi kimi, şiş məşqdən bir neçə saat sonra yaranır və 4-10 gün ərzində zirvəyə çatır. Müvəqqəti iltihab prosesi çəkini artıracaq.
Məşq zamanı insan daha çox tərləyir, nəticədə susuzluq artır. Çox miqdarda su qəbulu müvəqqəti su artımına səbəb ola bilər. Bu halda iki stəkan su əlavə 450 qram çəkiyə bərabərdir. Dəqiq nəticə üçün səhər səhər tualetə getdikdən sonra, lakin ilk stəkan su və səhər yeməyindən əvvəl çəkilmək daha yaxşıdır.
Məşq zamanı təkcə maye deyil, həm də elektrolitlər itirildiyi üçün onları da doldurmaq lazımdır. Bunu xüsusi içkilər, duzlu qoz-fındıq və yeməyə duz əlavə etməklə edə bilərsiniz. Pəhrizdə əlavə natrium mayenin orqanizmdə saxlanmasına səbəb ola bilər.
Sonuncu məqam iştahanın artması ilə bağlıdır. Artan fəallıq aclıq hissini gücləndirir. Həddən artıq yeməyin qarşısını almaq üçün əl altında sağlam qəlyanaltılar olmalıdır. Balanslaşdırılmış qidalanma mürəkkəb karbohidratları, zülalları və yağları əhatə edir. Sağlam qida ilə təmin olunmazsa, tərəzidə artım olacaq.
Samir
