ain.az, Ayna portalına istinadən məlumat yayır.
“Ukrayna yıxılarsa, bütün Avropanın təhlükəsizliyi risk altında olacaq”
“Avropada elə bir vəziyyət yaranıb ki, 1938-ci ili xatırladan Çexoslovakiya Almaniya ilə qarşıdurmada kömək istəsə də, almadan nasistlərin əlinə keçdi”. AYNA.AZ xəbər verir ki, bu sözləri Avropa İttifaqı (Aİ) diplomatiyasının rəhbəri Kaya Kallas “Redaktionsnetzwerk Deutschland”a müsahibəsində bildirib.
"Bizim vəziyyətimiz 1938-ci ili xatırladır. Çexoslovakiya faşist Almaniyasına qarşı kömək istədi, onu almadı və nasistlərin əlinə keçdi. Bu günün fərq ondadır ki, Ukrayna yıxılarsa, bütün Avropanın təhlükəsizliyi risk altında olacaq. Biz göstərməliyik ki, tarixdən dərs almışıq", - deyə Kallas qeyd edib.
Bundan əlavə, Kallas Ukrayna üçün ərazi güzəştləri ilə bağlı Rusiya ilə danışıqların tələ olduğuna əminliyini bildirib. O qeyd edib ki, rusların klassik danışıqlar taktikası üç mərhələdə işləyir: birincisi, Moskva heç vaxt ona aid olmayanı tələb edir. Sonra ultimatumlara və hədələrə əl atır. Nəticədə, Qərbdə səslər səfərbər olur və Kremlə heç vaxt olmayan şeyi təklif etməyə hazır olur.
Sonda Kallasın fikrincə, Kreml xəyal edə biləcəyindən daha çox şey əldə edir. O qeyd edib ki, Putin hazırda Ukrayna regionlarına onun hətta nəzarət etmədiyi ərazilərə iddiasını irəli sürür: “Tələblər qəsdən şişirdilirsə, bu kompromisdirmi?”.
“Aİ Putinə təzyiqi artırmaq üçün 19-cu sanksiyalar paketi üzərində işləyir. Rusiya sanksiyalara görə artıq 450 milyon dollar itirib. Masada çoxlu yaradıcı həllər var", Kallas əlavə edib.
Sonrakı hadisələr barədə daha çox məlumat almaq üçün ain.az saytını izləyin.
