1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın Başqırdıstan Respublikasında "Ufa" futbol klubunun rəhbərliyi oyunçulara kumıs (maya südündən hazırlanmış fermentləşdirilmiş süd içkisi - laktik turşu və spirtli fermentasiya nəticəsində əldə edilir - red.) verməyə başlayıb.
Oxu.Az xəbər verir ki, bu barədə "Mash Batash" "Telegram" kanalı məlumat yayıb.
Məlumata görə, uzun müddət qol vura bilməyən hücumçu Uilyams Çimeze kumıs içdikdən sonra oyunlarda fərqlənməyə başlayıb. Bundan sonra komanda daxilində bu içkinin "möcüzəli təsirə" malik olduğu fikri formalaşıb.
"Digər oyunçular da kumısın nələrə qadir olduğunu gördülər. İndi bütün komanda olaraq bunu içirik. Çimezenin qolundan sonra futbolçular matçlardan əvvəl aktiv şəkildə kumıs qəbul etməyə başladılar. İnanırıq ki, nəticə verəcək", - deyə klubun baş direktoru Marat Şmakov bildirib.
