1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ Ədliyyə Nazirliyi Federal Ehtiyatlar Sisteminin Rəhbərlər Şurasının (FRS) üzvü Liza Kuka qarşı cinayət işi açıb.
Oxu.Az xəbər verir ki, bu barədə "The Wall Street Journal" (WSJ) mənbələrə istinadən məlumat yayıb.
ABŞ Ədliyyə Nazirliyinin Kukun ipoteka üçün müraciət edərkən yalan məlumat verib-verməməsi ilə bağlı araşdırma çərçivəsində bir sıra çağırış vərəqələri verdiyi vurğulanır.
Xatırladaq ki, avqustun 20-də ABŞ Prezidenti Donald Tramp FRS Rəhbərlər Şurasının üzvünü istefa etməyə çağırıb. Ağ Ev rəhbəri bu tələbi ABŞ Federal Mənzil Maliyyə Agentliyinin (FHFA) rəhbəri Bill Pulte tərəfindən irəli sürülən ipoteka fırıldaqçılığı ilə bağlı Kuka qarşı ittihamlar fonunda səsləndirib.
Avqustun 28-də məlum olub ki, o, Donald Trampı vəzifəsindən uzaqlaşdırmaq cəhdləri fonunda ona qarşı iddia qaldırıb.
